og núna er tilbúinn matur, ekkert tuð frá minni hálfu mmmmmmmmm

Flottar fréttir
Mágkona mín umhverfisfræðingurinn hringdi í dag með fínar fréttir. Hún útbjó plaggöt og einblöðunga og fékk að hengja upp á ráðstefnu um umhverfismál sem haldin var um daginn. Þarna lýsti hún helstu niðurstöðum sem hún var með í masterritgerð sinni. Kanadísk kona sýndi þessu mikinn áhuga og spjallaði eitthvað við hana. Í vikunni sendi hún síðan tölvupóst og biður leyfis að fá að fjölrita einblöðunginn því hana langar til að dreyfa honum meðal starfsmanna í umhverfisráðuneytinu í Alberta í Kanada. Þetta er alveg frábært. Til hamingju með þetta ;))))

Að öðrum málum. Haukurinn er að elda fyrir konuna sem finnst svo leiðinlegt að elda ;)))
Hann er góður við mig þessi elska og hann er að elda góðan mat mmmmmm

Molinn er farinn aftur til síns heima eftir góða stund hjá okkur. Að vísu er um tveir tímar síðan hann fór en við hjónaleysin vorum svo örmagna að við lögðum okkur í tvo tíma (haha).

Nóttin fór nefnilega þannig fram að með einhverju ákveðnu millibili rak barnunginn upp vein sem þýddi að nú vildi hann drekka. Og þá þýddi ekki annað en vera snöggur í gang og gefa elskunni að drekka. Lengsti tíminn sem ég var vakandi var frá 3.35 til tæplega 5.00. Eftir það sváfum við í einum dúr til 7.37 (takið eftir hve allar tímasetningar eru nákvæmar en það er vegna þess að frúin varð að setja upp gleraugin í hvert skipti sem Gullmolinn heimtaði drykk og þá blasti vekjaraklukka hauksins við).

Verð að segja að núna skil ég hversu þreytuleg systir mín ástkær er. Enda svaf hún til 12.30 (hádegi) í einum rykk (hefur ekkert með áfenga drykki að gera). En sem sagt við systurnar auglýsum hér með eftir hjálp varðandi hvernig á að koma barnunganum af þessum drykkjar ósið á nóttunni!! HJÁLP

Úff hvað ég er búin að vera dugleg. Ég er búin að druslast til að klára einn fyrirlestur og margt fleira. Svo er ég búin að staðfesta glasið sem á að gerast í desember ef allt fer eins og það virðist ætla að fara. Þegar ég hringdi til að staðfesta, var konan með skýrsluna mína fyrir framan sig og ætlaði að fara að hringja í mig. Er það tilviljun eða hvað? ;) Og nú er bara að byrja að læra og læra til að vera ekki á eftir með það líka. Úff.. "það er svo erfitt að vera ég" eða er það "það þarf svo sterk bein til að vera ég"?? Ég er búin að gleyma hvort heldur það er enda er ég svo sem ekki með svona fallega leggi haha

Aníveis, Armour er búin að ná sambandi aftur við klæðskerann og hann man ekki hvað við heitum (nema Armor auðvitað). Hann kallar ÓRÓ "jarðarlitu konuna" og mig kallar hann "pönkarann sinn" haha Soldið næs. Hann sagðist vera með fullt af hugmyndum um kjóla sem jafnframt væru einfaldir. Ég er til í allt eða þannig. Við eigum að hitta hann á sunnudagskveldið og þá fáum við að sjá hugmyndirnar....

kaupakonan sem brást
Einu sinni þegar Meinvill var lítil fór hún sem kaupakona í sveit. Hún fékk nefnilega ekki sumarvinnu og þetta var síðasta stráið. Fór í Borgarfjörðinn á eitthvað stórbýli þar. Dagleg störf voru:
1. Að taka til í herbergjum strákanna tveggja á heimilinu
2. Að leggja á borð og ganga frá öllu eftir það (það er ábyggilega þess vegna sem mér finnst þetta svona leiðinlegt í dag)
3. Fara í hænsnahúsið og ná í egg (takið eftir það er ekki hænsnaKOFi heldur hænsnaHÚS). Umræddur kofi var nefnilega gamla íbúðarhúsið á tveimur hæðum. Þarna átti meinvill að mæta með prik í hendi til að stjaka við hænunum (og ýta hananum í burtu held ég) og týna egg. Lyktin var eins og hún gerist best í dýrahúsunum í Húsdýragarðinum (megahrollur enn þá) og meinvill var skelfingu lostin við þessi kvindi.
4. Skúra og þrífa allt húsið og hjá foreldrum húsráðenda líka.

Meinvill var ekki kölluð sínu nafni frekar en vinnuhjú til forna, heldur kallaði frúin hana "stúlkuna".
"Vill stúlkan gera svo vel og klæða litla barnið úr stígvélnum"
Meinvill fílaði sig eins og hálfvita..

Eftir eina mannsöld hringdi hæstvirtur faðir Meinvills og sagði hana hafa fengið símtal um að búið væri að redda henni vinnu í fiski, ef hún hefði áhuga. OMÆGOD hún hafði sko áhuga. Fólkið á bænum leyfði henni að fljóta með í bílnum til Reykjavíkur en frúin var að fara á spítala. Hún horfði á Meinvill hryggum augum og sagði: " Ég sem treysti á þig, ég hefði aldrei ráðið þig ef ég hefði ekki treyst því að þú yrðir allt sumarið" (Heild að Meinvill hafi verið eini umsækjandinn og ég er ekki að djóka með það).
Restin af bílferðinni var í þögn (engin göng voru komin þannig að það var allur Hvalfjörðurinn) og þau hentu Meinvill út í Ártúnsbrekkunni og spurðu hvort hún gæti ekki reddað sér þaðan sem hún gerði með glöðu geði.

Þessi átakamikla reynsla tók ÞRJÁ DAGA allt í allt. Og svo senda vinkonur mínar mér lag þegar ég kem í bæinn "Kaupakonan sem brást". Er það furða þó manni sárni?

En svona til að komast úr þessu tuðformi er vert að minnast á það að Gullmolinn ætlar að vera hjá okkur Hauknum í nótt. Móðir hans, mín ástkær systir, ætlar út á lífið. Við ætlum hinsvegar að hafa það notalegt heima. Við erum búin að kaupa inn drykkjarvörur fyrir Molann og mat ef hann skyldi ekki vilja það sem frúin ELDAR. ;)

Meira tuð
Ég sé að sumir hafa mislesið tuðið mitt frá því í gær. Þar minntist ég nefnilega ekki einu orði á bakstur, ég held að hjá mér flokkist það frekar undir gaman þar sem það er gert MJÖG sjaldan. Ég er að tuða yfir þessu daglega. Elda mat til að lifa af vikuna eða daginn eða hvað sem það er. Ég hef aldrei gefið mig út fyrir að þetta sé eitthvað sem mér finnst skemmtilegt enda hefur húshaldið hjá mér verið eftir því. Sem sagt tekið til þegar ekki er lengur komist hjá því og eldað þegar ég er að deyja úr hungri og langar virkilega í mat. Suma daga sem sagt ekki eldað neitt, aðra daga eldað eitthvað betra. Nú er ég ekki að segja að ég hafi nostalgíu eftir þessum gömlu tímum, hinsvegar verð ég að viðurkenna að almennt HÚSHALD fer enn meira í taugarnar á mér nú. Ég er mjög fegin að minn tími skuli ekki vera í byrjun síðustu aldar, á einhverju sveitabýli með fullt hús af börnum, vinnufólk jafnvel (eða það sem er enn verra að vera eitt af vinnuhjúunum) þar sem allur tími færi í þennan rekstur. Sú tilhugsun hljómar vægast sagt skelfilega.

Tuð
Ég trúi ekki að nokkrum manni þyki gaman að elda! Mér finnst það ekki! Málið er að það er ekki svo leiðinlegt að elda þegar það stendur eitthvað til og mar er að búa eitthvað skemmtilegt til. Nei það er þetta með að elda á hverjum degi sem er gjörsamlega ekki að gera sig. Og að reyna að finna eitthvað til að elda. Eitthvað sem er gott en kostar samt lítið. Gosh ég er heppin að eiga ekki stærri fjölskyldu, ég færi yfir um á skömmum tíma.

Mér finnst hugmyndin um ráðskonu alls ekki eins fráhrindandi eins og mér fannst hún fyrir mörgum árum. Einhver sem kemur og kaupir inn, eldar og VASKAR upp. Ég held að það sé ekki illa farið með peningana að borga einhverjum fyrir að sjá um þetta (stuna). Og það þýðir ekkert fyrir ykkur sem lesið þetta að koma með athugasemdir um að ég ætti nú bara að prufa að vera með x stærri fjölskyldu en ég er með því ég er ekki með með hana og hef svo gjörsamlega ekki hugsað mér að setja mig inn í þær aðstæður.

Finnst ykkkur þetta ekki alveg brilljant fyrirsögn?

Dagmamma má starfa í stigahúsi

Þetta var tekið af visi.is. Ég er ekki viss um að ég mundi vilja hafa barnið mitt í gæslu í stigahúsinu meðan ég er að vinna (en ég á auðvitað ekki börn svo það getur verið að foreldrar séu á annarri skoðun)! Finnst nú að hún gæti tekið börnin inn til sín, alla vega rukka þær nógu hátt gjald haha

Í dag ætla ég að gefa ykkur link á alveg frábæra heimasíðu:
Smella hér

Ussum suss, hvernig á ég að vita hvað lakkið heitir? Man ekki einu sinni á hvaða hluta hjólsins það átti að fara, það er ekki hægt að fara fram á svona mikið hehe.. en ég skal forvitnast um það við fyrsta tækifæri (í dag vonandi)..

Hvers vegna er ég sökudólgur í þessa fræga peysumáli? það eina sem ég gerði í málinu Týnda peysan var að ég var samferða téðum eiganda peysunnar til annars lands, tók af honum mynd í peysunni og vissi síðan ekki fyrr en ég fæ senda mynd af eigandanum í peysunni með undirskriftinni Týnda peysan!!!!!! og nota bene ég tók myndina. En sem sagt ég er glöð að peysumálinu er lokið og vona að ég fái ekki háa sekt fyrir að taka þessa mynd og birta á netinu því ég er frekar blönk í augnablikinu og þarf að fara með bíldrulsuna í skoðun (enn og aftur)! reikna samt með að nú fari ég að sjá eigandann (Einsa kalda) valsa um í peysunni góðu ;))

Rannveig María Svíastelpa á 3 ára afmæli í dag.
Til hamingju með afmælið stóra stelpa

Hvað varð eiginlega af Fabba? Hér sat ég við gluggan og beið og beið en enginn Fabian sletti halanum sínum á minn heimabæ. Kannski eins gott þar sem haukurinn er að vinna uppi á þaki, ekki gott að vera þar í fellibyl (hehe).

Sænski nýbúinn bróðir minn hringdi í gær. Honum lá mikið á hjarta; sænsku þjóðmálin, innflytjendamálin, skólarnir og vinnan. Æi OK það var ekkert af þessu en honum líður vel þó hann skilji ekki alltaf hvernig sænska kerfið virkar.

Hann þurfti t.d. að kaupa sér lakk um daginn til að mála part af nýja hjólinu sínu. Lítrinn af lakkinu kostar 10.000 krónur og hann þurfti að bíða í viku eftir að fá það afhent. Hann þurfti ekki heilan lítra þannig að hann pantaði bara það sem hann þurfti. Fyrsta umferðin mistókst hinsvegar og hann þurfti því að panta meira og aftur að bíða í heila viku eftir að fá þetta afhent. Einhverjir merkimiðar voru á þessu og það slettist á þá málning þannig að hann varð að fá nýa miða og biðin eftir þeim var einn mánuður. Þetta pirrar nýbúann sem er vanari því að á gamla góða Íslandi fær mar alla hluti strax (glott)!

Hann spurði hvenær ég ætlaði að koma í heimsókn og ég sagðist koma þegar hann væri búinn að heimsækja mig (haha), hann hefur nefnilega enn ekki heimsótt mig (í nærri 3 ár)! Nú er ég seif frá öllum heimsóknum hehe

Ég hef alveg gleymt að minnast á að Jóhannes var að opna sýningu á Húsavík um síðustu helgi. Hún var opnuð með pompi og pragt síðasta laugardag. Hef því miður ekki link inn á hana til að auglýsa hann enn frekar ;)

Hádegisfundur
Fór í skólann og átti hádegisfund með leiðbeinandanum mínum og þeim MA nemum sem skráðir eru hjá henni. Ægilega gaman og nú finnst mér ég vera komin af stað. Nú er bara allt að gerast og mar kominn á fullt. Á að skila rannsóknaráætlun í eigindlegum eftir viku og þá hefst gríðarleg vinna við að taka viðtöl við einhverja aðila sem tengjast viðfangefninu mínu. Gaman, gaman ;)

Draumfarir
Dreymdi merkilega í nótt. Mig dreymdi að ég og Einsi kaldi vorum í leigubíl í London á leiðinni út á lestarstöð heiman frá Dóra (sem nota bene býr ekki í London heldur Svíþjóð). Við vorum ekki með neinar ferðatöskur því ég sagði Einsa að óþarfi væri að taka þær með því við kæmum svo fljótt aftur og hann hlýddi mér og skildi sína líka eftir. Þegar við vorum hálfnuð á stöðina snérist mér hugur og ég ákvað að bruna til baka ein og sækja töskurnar okkar en Einsi hélt áfram á stöðina því það var bara hálftími þar til við áttum að vera mætt. Þegar ég mætti síðan heim til Dóra tók við þvíík leit að görmunum sem áttu að vera í töskunni og alltaf tifaði klukkan. Ég mætti á á stöðina þegar hálftími var í flug (af lestarstöðinni?????) og var að reyna að sannfæra afgreiðslufólkið að ég yrði að fara með því ég væri með tösku bæði fyfir mig og Einsa.
Úfff
Ég var þreytt í morgun þegar ég var búin að ná að vakna eftir öll þessi ósköp. Spurning hvort þessi draumur hefur eitthvað með það að gera að Einsó gleymdi peysu í Svíþjóð!

Setti nokkrar myndir inn, það koma fleiri síðar þegar búið verður að fara með myndir í framköllun. Muna að passorðið er gælunafn sænska nýbúans bróður míns!

Þetta var heilmikið afmæli. Fór til röntgenfræðingsins á föstudaginn og fékk lánuð bílaform til að baka eins og eitt stykki bílaköku. Gekk vel þar til kom að skreytingu en þá tók haukurinn við. Hann hafði fylgst með mér en mátti eiga það blessaður kallinn að hann hló ekkert að mér heldur bara birtist eins og af tilviljun til að hjálpa og spurði svo sakleysislega
"þarftu ekki í bað?".
Jújú ég flýtti mér í bað og það var ekki fyrr en ég var byrjuð að þurrka mér að ég fattaði að honum hefðu eflaust ekki þótt tilburðir mínir við kökuna mjög professonal. Enda var hann búinn þegar ég kom fram. Þarna er samvinna haha

Ammili
Annars átti gullmolinn ammili í gær, fyrsta afmælið! Ægilega gaman Til hamingju með það litli gullmoli! Í gær átti líka ammili krúttið hennar Til hamingju með ammilið Gummi

Blogger drasl
Komst ekki neitt inn á bloggið í gær. Var að reyna að finna út úr því hversvegna bloggið hjá skjaldbökunni breytist alltaf í bloggisku eftir smá tíma og var búin að fikta svo mikið að ég var orðin viss um að bloggerinn væri búin að afneita mér! Bölvað drasl! En varðandi bloggiskuna þá veit ég ekki hvers vegna þetta gerist því allar stillingar virðast vera réttar. Verðum bara að vona að allt fiktið hafi haft einhver áhrif..