Uss bara egg um allt. Varðandi gjafaeggin þá eru einhverjar rosa reglur um það. Sú sem gefur svoleiðis verður að vera búin að eiga eitt barn og vera annað hvort 30-35 ára eða undir 30 ég bara man það ekki. En það eru skiljanlega strangar reglur um það. Takk samt ;))

Fór upp í skóla áðan að ná í möppuna mína og ég fékk 7. Ég var hundfúl með það þó ég hafi ekki reiknað með meiru því gæðin voru ekki meiri. En mar er bara svo klikk að mar vill meira þó mar viti að það er ekki réttlátt. Svona er lífið.

Góðir hlutir gerast hægt, eða ég er að telja sjáfri mér trú um það. Ég fór í skoðun og blóðprufu í morgun til að gá hvernig gengi að búa til eggbú og það gengur bara hreint ekki vel. Það eru einhverjir 2 ræflar að myndast vinstra megin og kannski eitt hægra megin eða kannski eitthvað annað (ég vildi ekki spyrja lækinn hvað þetta "annað" gæti verið því mér fannst það hálf svona scary) haha

Málið er það að venjulega myndar maður eggbú og síðan verður egglos og úr því dettur eitt egg og stundum tvö (einfölduð mynd). Í svona ferli eins og ég er í er verið að leika á náttúruna og reynt að mynda fleiri eggbú þannig að hægt verði að ná fleiri eggjum. Eggin eru svo dæmd í flokk frá 1-4 og eru 4 algerlega ónothæf meðan kannski er hægt að nota 3 en bara ef ekki eru til nein betri.

Í svona ferli þykir rosalega fínt að mynda frá 15-25 eggbú og þá er kannski hægt að ná 8-12 eggjum og af þeim verður svo hægt að nota ca 70%.

Hjá mér er sem sagt að myndast 3 eggbú og af þeim verður kannski hægt að ná 3 eggjum eða færri og sjaldnast hægt að nota öll. Úff er þetta ekki típískt, ég er nú eiginlega farin að hlæja inni í mér. Ég er sem sagt áfram á hæsta skammti lyfja og á að koma aftur í skoðun á mánudag úff spennandi ha?

Undanfarinn mánuð eða tvo er búið að vera við frostmark í vinnunni hjá mér. Við erum þrjú sem erum búin að vera kvarta og kvarta því hitastigið hefur verið um19° sem er alveg hræðilega kalt þegar maður situr við tölvu allan daginn. Við höfum tekið til bragðs að sitja í flíspeysum alla daga og í þessari viku mætti ÓRÓ í tveimur. Þá loksins tók einhver við sér og það var pantaður einhver kappi til að laga hitann. Í dag er hitinn kominn í lag og ég er að stikna. GOSH hvað það er heitt. Það er rétt rúmur hálftími síðan ég mætti og ég þarf að fara að fara úr flísinu. Ég er orðin rjóð í kinnum og mér líður eins og það sé heitur sumardagur. Ég þori hinsvegar ekki að kvarta því þá er ég hrædd um að það verði aftur KALT haha það er vandlifað í þessum heimi

Ég er haldin miklu gleði og bjartsýniskasti. Ég var að ýta á SEND og þar með koma frá mér tilraun númer tvö til að skila frá mér drögum að MA áætlun. Nú er bara að bíða spenntur og sjá hvort leiðbeinandinn setji þessa í tætarann líka

Uss Hrönn ekki segja frá öllu sem við gerðum í denn, það ætla ég að gera haha. Ég á nokkrar sögur eftir í pokahorninu. T.d. þegar við fórum í útilegu og bíllinn valt. Eða þegar við vorum næstum orðnar mormónar (AS IF) af því ónafngreind vinkona okkar varð skotin í einum trúboðanum. Það er af mörgu að taka. Þetta var góður tími. Að vísu var ég öllu minni um mig og gæti hugsað mér að verða þannig aftur en með hjálpa stafanna minna nýju verð ég það eflaust þannig.

Er ég Lundúnavön kona? Er himininn blár? Búa jólasveinarnir í Esju?
Oh my god ég er sko næstum því fædd í Lndon (þeas ef ég hefði ekki fæðst í Reykjavík). Tollararnir eru farnir að heilsa mér með nafni þegar ég kem, ó já.

En til að gera langa sögu stutta þá finnst mér London ofsalega skemmtileg og hefur það verið svo síðan SM kynnti mig fyrir þessari eðalborg einhvern tíma á síðustu öld (um það leyti sem Gorbi heimsótti Ísland).

Mér finnst gaman að druslast í plötubúðum og ég elska bókabúðirnar. Bara slugast og skoða og skoða. Sem sérlegur tísku- og fataaðdáandi þá hef ég alveg geypigaman af því að fara í fatabúðir. Fæ bara hreinlega kikk út úr því.

Mér finnst líka gaman á hinum ýmsu veitingastöðum og garðarnir hafa sérstakt aðdráttarafl. Hins vegar verð ég að viðurkenna að mér finnst söfn alveg einstaklega leiðinleg fyrirbæri og á það við um söfn í London jafnt sem annarsstaðar í heiminum. Ég hreinlega fæ hnút í magann þegar ég geng inn um dyr á góðu og virtu safni og hann stækkar og stækkar þangað til það er nærri liðið yfir mig og ég verð að þjóta á næsta kaffihús til að bjarga geðheilsunni. Sem betur fer er ég búin að skoða flest sem túristar EIGA að skoða í einhverjum af hinum mörgu ferðum mínum. þarf því ekki að gera neitt nema það sem mér finnst skemmtilegt.

Mér finnst gaman að labba í Soho og Camden og líka Covent garden og allt þar á milli. Kew gardens eru æðislegir, en ég hef að vísu ekki farið þangað í nokkur ár, geri það kannski næst.

Mér finnst gaman að horfa á fólk og líka fugla. Eina sem mér finnst ekki tiltakanlega skemmtilegt er allt útigangsfólkið en það er bara þarna ekkert sem ég get gert við því.

Mér sýnist á öllu að það gæti orðið gaman í London um páskana. Það er ekki nóg með að við haukurinn ætlum að vera þar heldur verða þar líka harpa og sm. Þetta fer að verða eins og á góðu gömlu ASMA dögunum. Geypigaman alveg.

Hrönn ég held það sé nú ekki mikil hætta á því að ég hverfi alveg. En ég skal lofa því að áður en það gerist þá tek ég þig með (sem þarft þó ekkert að grennnast og hana nú).

Sara vinkona mín poppaði upp í póstinum í dag:
****
Dear Anna,
First of all, let me ask if you followed my advice and suggestions? Have the good things that I predicted come true?
hmmmm nei því miður ég hef ekki gert það
Yes, Anna, it will be undoubtedly the most beautiful time of your life if you accept and follow the advice that I am going to give you. Do you want to know why I am so sure of myself?

In order that your life is full of bliss, Anna, where success, love and prosperity are always with you, I am going to send you, before the next new moon, my 7 fabulous Secrets of GOOD FORTUNE and HAPPINESS

meira á morgun..þetta er of gott til að vera satt, ég fæ dagsetningar og allt jibbí

Þetta leiðinda bloggerdrasl henti öllu íslensku stöfunum út í morgun. Ég henti auðvitað færslunni út aftur, ég vil ekki hafa svona ljóta færslu með spurningamerkjum hjá mér!!!!

Það sem ég var að tjá mig í morgun var að í gær fór ég í kringluna að labba. Kíkti á útsölurnar og það var frábært. Sá eitt pils í Centrum, ægilega fínt, þegar ég kíkti á verðið var það á útsöluverði 23 þúsund krónur. Jamm sumir eru með dýrari smekk en aðrir, svona er það að vera klassakona haha

Allt annað sem ég sá tilheyrði “nýtt” og var því ekki á útsölu. Ég er ekki svona útsölutýpa, því ég finn sjaldnast eitthvað nema skó. Mar getur alltaf á sig skóm bætt haha

Annars er ég alltaf að verða glaðari og glaðari yfir þessum sprautum mínum. Ástæðan? Jú, hún er sú að ég hríðtapa grömmum þessa dagana og þetta eru ekki grömm sem ég sé eftir. Er að verða jafn þung (létt) og ég var eftir kvíðahnútsaðgerðina árið 2002. Það er ægilega skemmtilegt. Ætti ég að biðja um að vera á þessum sprautum áfram? Ha? Nei bara jók..

og ég nenni ekki að skrifa alla færsluna aftur strax ;(

Andskotans bloggdrasl. Nú eru íslensku stafirnir dottnir út

Jæja þá er blóðsugan búin að hringja í mig. Ég þarf að hækka skammtinn því ég er ekki að örvast neitt á þessum skammti (jakk). Er búin að vera á 300 einingum og á að fara upp í 450. Mér finnst það soldið mikið en hvað veit ég,ég er ekki læknir. Svo ég ætla bara að þegja og gera eins og mér er sagt.

Mánudagur til gleði (ég er að reyna að breyta þessu mæðuorði). Í dag er ég búin að sprauta tvær sprautur og fara í blóðprufu. Það voru svo margar að bíða eftir blóðprufu að ég þurfti að bíða í 3 korter áður en ég komst að. En ég hafði með mér bók svo ég var í fínu lagi. Sat þarna eins og fín frú og las "Beyond the Podium" sem er bók um training og hvernig eigi að skipuleggja þjálfun starfsmanna. Ægilega gaman ;)

Ef ekki verður hringt í mig í dag þá held ég áfram á sama skammti af báðum lyfjunum þangað til á föstudag en þá er önnur blóðprufa og skoðun líka þar sem rýnt verður inn í mitt allra helgasta og skoðað hvort hægt sé að fara að tína egg. Gaman gaman ;)

SM þetta er nú ekkert smá gott boð að leyfa mér að nota nöfnin sem þú varst búin að panta. Annas Jón hljómar nú ekkert smáræðis vel. Bróðir hans verður þá líklegast að heita Sebastian Þór eða var það ekki? Þetta eru kónganöfn ;)

Annars er maginn á mér að verða eins og nálapúði í bókstaflegri merkingu. Þetta var allt í lagi meðan það var bara ein sprauta á dag þá var eins og þetta gréri fljótt og vel. Núna eru hinsvegar búnar að vera tvær á dag í fjóra daga og það gerir þá auðvitað átta á fjórum dögum. Úff það eru rauð göt um allt. Eins gott að það leki ekki eitthvað út. hey en annars er eins og eitthvað virðist leka því ég er kílói léttari núna heldur en áður en ég byrjaði að sprauta.
Það kom mér virkilega á óvart því ég var búin að heyra að það væri líkur á því að mar þyngdist vegna aukinnar vökvasöfnunar og svona kjaftæðis. Þetta er því gleðileg byrjun á nýju ári.

Jæja, þá eru Árni og María farin aftur til Danmerkur (og Andrea ofcourse). Þau flugu út í morgun. Sigrún og Magnús buðu öllum í mat í gærkvöldi til að kveðja þau.