Í dag er merkisdagur fyrir þá sem huga að ættleiðingum erlendis frá því dag samþykkti Alþingi lög um að fólk sem fer erlendis að ættleiða börn fái til þess fjárhagsstyrk frá ríkinu. Þessi lög taka gildi frá og með 01. janúar 2007 þannig að foreldrar allra barna sem koma heim á komandi ári fá styrk. Það er búið að berjast í mörg ár fyrir þessum styrk en þetta tók ekki kipp fyrr en síðasta vetur er hópur fólks lagði þingmenn og ráðherra næstum því í einelti til að vekja athygli þeirra á þessu málefni. Ég er stolt af því að vera hluti af þessum hópi og enn stoltari af Alþingi að láta loks verða af þessu! Til hamingju Ísland

Nú geta jólin farið að koma því ég er komin í massa jólaskap! Í gær fór ég með handysystrum og mökum á árlegt jólahlaðborð og þar var borðað á sig gat og við hlustuðum á jólalög. Eða eins og kynnirinn sagði "ég ætla að spila fyrir ykkur jólalög og síðan einhver falleg lög". Og hann gerði það, spilaði bæði ljót jólalög og einhver önnur falleg lög en þetta var voðalega jólalegt og skemmtilegt. Nú þarf ég því að hunskast í bæinn og kaupa jólagjafir, allavega kaupa gjafir fyrir sænsku nýbúana svo þeir geti haldið íslensk jól þarna í óbyggðunum sem þeir búa.