Ég er komin heim frá ísafirði. Á dauða mínum átti ég von en ekki því að verða veðurteppt. Ég lenti nefnilega í fínu veðri en klukkutíma seinna þá sá ekki á milli húsa fyrir éljagangi. Mjög weird bara. En ég var á hótelinu og hafði það gott. Þegar ég flaug heim aftur var Vigga aftur með í för ásamt fjölmiðlafólki sem breiddi úr sér á vellinum. Ég var bak við súlu meðan þeir hlupu um með vélarnar sínar. Ekki veit ég hvað þeir gátu verið að mynda í flugstöðinni en það er ábyggilega þess vegna sem ég varð aldrei að fjölmiðlamanni þrátt fyrir nám í þá veru.

Núna er ég orðin hálfþreytt þarf að komast heim til mín og slaka aðeins á. Er að undirbúa mig andlega fyrir heimsókn Molans en hann ætlar að heiðra okkur hjúin með nærveru sinni um helgina. Frú systir ætlar að vera í Döblin með hjásvæfunni sinni (hennar orð en ekki mín) og á meðan ætlar Molinn að vera hjá ömmu og Önnu..sem sagt skipta sér á milli. Ágætis æfing fyrir okkur Skakka.

Annars er það af okkar málum að segja að ég frétti það í fyrradag að umsóknin okkar er ekki enn farin út. Hún er ennþá í einhverju stimplunarveseni hjá sendiráðinu. Er það nema furða að maður verði leiður á þessu ferli öllu saman?

Ísafjörður hvað? Ég fór þangað í morgun og það lítur út fyrir að ég verði hér til jóla. Hér er sjóstormur og vetur og flug í athugun..jájá það er aldrei að maður bregði sér af bæ...mér skilst að ég geti farið með bílnum í kvöld en verð að segja að það er lítill áhugi fyrir að skrölta í bíl í ófærð með einhverjum ókunnum manni..úff..af tvennu illu þá hef ég bara vetrardvöl hér. Áhugasamir geta lagt inn skilaboð hjá vetrareftirlitinu...
Annars var ég með allskyns slegti í fluginu; þarna var Vigga og þarna voru sjónvarpsmenn af ýmsum gerðum og löggan tók á móti okkur. Mér leið eins og glæpon þar til ég fattaði að þeir voru að fagna Viggu en ekki mér..eða kannski bara einhverjum allt öðrum...

Við erum komin frá Madrid. Ég hefði alveg viljað vera aðeins lengur. Hitinn sem er þar núna á nefnilega svo skolli vel við mig. Mér finnst madrid skemmtileg borg. Gömul hús og þröngar götur og brosandi fólk. Góð blanda. Verst að nú fer ég eflaust ekki til útlanda aftur fyrr en eftir 10 mánuði eða meira.

En á meðan við vorum í útlöndum fæddist ný meðlimur í stórfjölskylduna; nefnilega sonur umhverfisfræðingsins og listmálarans. Alveg glæsilegur drengur