ahhhh það var eitt sem ég gleymdi. Ég átti að taka til baka þetta með veggfóðrið og geri það hér með! Mér var aldrei sagt neitt um veggfóður og það kom aldrei fram nein slík hugmynd! Þetta er eitthvað sem mig bara dreymdi (held ég). Eina sem kom nálægt veggfóðri var þegar við haukurinn límdum allar prufurnar á vegginn. Sem sagt ekkert veggfóður..haha..er þetta slæm afsökun eða hvað hehe

Það er bara alveg snælduvitlaust að gera, eins gott að ég fæ ekki borgað eftir verkefnum því þá væri ég bara með laun sem slöguðu hátt upp í launin hjá forstjóra kaupþings (60 millurnar) haha trúlegt ;)
verkefnið gekk bara okkuð vel nema það voru svo margir farnir þegar kom að okkur því við vorum auðvitað næst síðastar sem er óþolandi. Mér finnst að fólk geti alveg séð sóma sinn í að sitja og hlusta á öll erindin, ok ætla ekki að vera að rífast neitt hér það hefur ekkert upp á sig.
Á morgun ætlum við Haukur að bjóða Gunnsunni og Vittorio í mat, ægilega fínar enchilidas frá Keflavíkurnorninni (jamm nornir geta líka eldað ef það er það sem þið eruð að velta fyrir ykkur). Síðan ætlum við að liggja í leti og éta nammi og horfa á Something about Mary..úlalala..spennandi..
Það er líka klipping á morgun LOKSINS ég er orðin eins og loðinlubbi um hárið, það er ekki skemmtilegt! OK það er kannski ekki alveg svo slæmt en mig langar samt að fara að fá nýtt hár. Er búin að vera dökkhærð ALLT of lengi!

Það er nú ágætt að vera til finnst ykkur það ekki? Þýðir ekkert að vera með eintóman barlóm! Ég er á leið upp í HÍ núna að flytja verkefni og það lítur bara nokkuð vel út aldrei slíku vant! Málingarprufurnar hanga enn uppi á vegg á baðherberginu og eru að verða nokkuð heimilislegar, ég er ekkert viss um að mig langi lengur til að mála þetta er svo fínt svona, frekar móðins bara hehe.
Vittorio er farin að fara í aðlögun hjá dagmömmu og mamma hans er alveg miður sín, hann er víst ekkert miður sín og hlær og skrækir til krakkanna, en svona er þetta bara ;)
Rannsan talaði við mömmu á afmælinu og var víst frekar sænsk, alla vega skildi mamma lítið sem hún sagði en reyndi að humma með bara svona til að sýna lit, verður maður ekki að gera það?
Læknirinn hringdi í Haukinn í gær og boðaði okkur á sinn fund í næstu viku..úlalala nú fer eitthvað að gerast eða hvað? Það er best ég fari að hunskast af stað í skólann........

Uss það er kominn tími til að tengja..ég hef ekki skrifað í marga marga daga...
Ýmislegt hefur á daga mína drifið síðan síðast, ég fór t.d. í vinnuferð til Eyja með Armour og það var mjög gaman. Eyjar standa alltaf fyrir sínu. Við vorum að vísu að vinna allan tímann (2 daga) en ég skaust þó aðeins í heimsókn til Auðar og kíkti á hana. Stoppaði að vísu mjög stutt því ég var að niðurlotum komin vegna þreytu eftir daginn. Hún býr þarna í rosa stóru húsi og garðurinn er verðlaunagarður (hún flutti þarna í desember síðastliðinn). Börnin hennar voru farin að sofa því ég kom svo seint að þær höfðu gefist upp á að bíða þannig að ég sá þær bara sofandi; myndarstelpur báðar tvær.
Mamma átti afmæli í síðustu viku og bauð okkur í mat og hafði rjúpur..ummmmmm..jólin ;) Aumingja Dóri að missa af þessu hehe en ég át nú bara fyrir þig líka hafðu engar áhyggjur...Við reyndum að segja Hauknum að honum þætti þetta vont og hann gæti fengið nautakjöt en hann hlustaði ekki á okkur og nú er það aðal kvíðinn að honum hafi þótt rjúpurnar það góðar að hann eigi eftir að éta okkur hin út á gaddinn (as if)
Við fórum líka á geisladiskaútsölu hjá Japis á laugardaginn var og keyptum 14 diska (fyrir smá peninga). Að vísu var fullt að drasli en innanum voru fínir diskar og góð músík. Núna vantar okkur bara geisladiskarekka til að geyma diskana. Okkar eru löngu sprungnir.
Við erum að hugsa um að fara að mála baðherbergið og það er smá prósess. Við erum auðvitað ekki sammála um litinn, ó nei! Þannig að við erum búin að líma litaprufur upp um alla veggi og nú er ég hætt að sjá þær, bara eins og þær hafi alltaf verið þarna, sérlega glæsilegt skraut..hehe Gunnsan kom með þá hugmynd að veggfóðra með einhverju gamaldags fallega ljótu veggfóðri en Haukurinn var svo fljótur að líma litaprufurnar upp um alla veggi að ég skildi strax að sú hugmynd væri ekki inni..hehe..gaman að þessu...