hann á afmæli í dag, hann á afmæli í dag, hann á afmæli hann Dóri, hann á afmæli í dag..hiphip húrræj og allt það...

Rosalega er eitthvað búið að vera kalt eitthvað brrrrr það er bara eins og það sé kominn vetur aftur. Og það er líka vetur í hjartanu á mér (ands. er ég skáldleg). Kínverjar voru að birta upplýsingar sem þeir gera einu sinni í mánuði og ef ég tel út frá þeim þá förum við ekki til Kína fyrr en eftir langan, langan tíma. Ég veit bara ekki hvað ég á að hugsa um þetta lengur. Það hafa öll plön riðlast svo um munar og halda áfram að riðlast.

En kulið í hjartanu nær ekkert lengra en það. Ég fer að fara til Svíþjóðar og vona að það sé sól þar. Ástkær nýbúinn á nefnilega afmæli á morgun og þar sem hann er í prófum er ekki hægt að heimsækja hann fyrr en eftir tvær vikur.

Þá er fyrsta skakkalausa helgin liðin! Hann flaug yfir til Föröjanna á föstudag og svo héngu þeir hálfverkefnalausir alla helgina. Vel skipulagt! Ég er búin að vera svo kvefuð að ég hef ekki getað hreyft mig neitt að ráði. Mér finnst eins og ég hafi verið kvefuð alltaf og verði það alltaf. Dramatíkin að drepa mann rétt eins og áður.

Annars verð ég að viðurkenna að ég er búin að vera skemmta mér konunglega yfir heilsíðuauglýsingunum frá næsta júróvisjonfara. Eða manninum sem langar svo ofsalega mikið að vera sendur næst. Haha hugmyndin er góð. Eyða 100 þúsund kalli í auglýsingu um að senda hann næst. Úff held ég vilji frekar senda Silvíu aftur. Hún er þó alla vega töffari en ekki einhver væluskjóða (þó greyið hafi nú vælt smá eftir að hún tapaði en ég hefði gert það líka, svo varð hún aftur Silvía töffari).