Ekki veit ég hver stjórnar þessu. Í morgun var svo gjörsamlega geðveik rigning úti og ekki bara rigning, nei í Efra breiðholtinu var slydda og smá snjór á grasinu (var í Gerðubergi rúmlega átta í morgun). Í gær var rigning og rok og í fyrradag rigndi eldi og brennisteinum. Málið er nefnilega þessi fína hádegisgönguferð okkar JJ. Ég skal viðurkenna að ég nenni ekki að fara í hana EN halló ég bað ekki um rigningu það sem eftir væri til þess að koma í veg fyrir þetta, nei einn rigningardagur hefði verið nóg!! En svona getur þetta verið.
Gosh hvað það er búið að breyta í Breiðholtinu síðan ég kom síðast (ég ætla ekki að telja árin því það er skelfilega há tala). Ég sá að það var þetta fína bókasafn í Gerðubergi og það er langt, LANGT síðan ég fór síðast á bókasafn. Og hvernig merki ég það?? Ó jú nú er komið svona hlið til að stoppa þjófa!!!!! uss í mína gamla daga var hægt að stela öllum bókunum og enginn hefði gert athugasemd! Þetta er eflaust nauðsynlegt, nú er leigt svo margt annað en bara bækur á bókasöfnum, en mér fannst þetta samt soldið fyndið og merki þess að ég hefði ekki komið á svona stað lengi! Ég verð sem sagt að hætta að stela bókum... sjeim on mí...ætti kannski að fara að skila þessum þremur úr Kópavogsbókasafni en ef þeir eru með hlið þá kannski pípar það þegar ég fer inn með bækurnar??? Var einhvern tíma að spá í að hengja þær bara á hurðarhúninn hjá þeim og hlaupa svo í burtu en hætti við því ég var viss um að þá mundi bara einhver annar stela þeim sem væri auðvitað alger synd! Og fyrir utan það að ég held að það sé ekki hurðarhúnn heldur svona hallæri til að ýta á hurðina..ekki svona góður og gildur húnn til að hengja plastpoka með bókum sem eru komnar fimm ár framyfir síðasta skiladag!!!!!!!

ahhhh, útkoman úr hryllingsprófinu er komin.....og það var 5,6 úff ég sagðist ætla að vera glöð ef ég fengi 5 sem var tilskilin einkunn þannig að ég er bara himinlifandi..nú er bara að gera vel í verkefnunum þannig að ég nái almennilegri heildareinkunn (prófeinkunn gildir bara skitin 30% sem betur fer fyrir mig)..;))

usss það er bara vitlaust veður úti og komið stríð í heiminum! Þetta er ekki gott!
Ég hinsvegar er að byrja að fara að vinna að voða fínu vefverkefni í skólanum ;)) ætla að setja upp einhverskonar kennsluvef fyrir excel reikna ég með. Svona gagnvirkt dæmi. Þetta er voða spennandi og ég hlakka til að byrja ;)
Við Armour ætlum að skella okkur á Egilsstaði á mánudaginn og kanna umhverfið þar. Gosh hvað ég er andlaus í augnablikinu held ég taki bara smá pásu og komi aftur síðar ;))

ps. gott að eiga eina systur og eina vinkonu ;)

Ég er búin að vera lafmóð eftir þessa gönguferð!!!!!!! Varla geta unnið í kjölfarið en sökum gífurlegs dugnaðar þá herti ég mg upp og hef lokið eins og einum bæklingi síðan. Þetta var heljarmikilferð, JJ kom að máli við mig fyrir mat og sagði að sökum rigningar þá værum við löglega afsakaðar frá öllum gönguferðum, en ég hetjan fór samt að labba, meira að segja að hlaupa. Ég hljóp sem sagt alla leið út í bíl með Armour á hælunum á mér og brunuðum við sem leið lá í Aktu Taktu og keyptum svínslega hamborgara (en slepptum kokteil og báðum um tvöfaldan grænmetisskammt (as is)). Eftir að hafa skóflað í okkur þessum dásemdum brunuðum við á laugaveginn þar sem Armour hljóp í búð að versla ammilsgjöf handa sinni mor en ég keyrði um hverfið á meðan því við fengum ekki stæði. Síðan beint að vinna aftur. Góð gönguferð!!!!!!!

Í dag er fyrsti dagur í göngu hjá mér og JJ (það er að segja ef við komust út dyrnar í hádeginu)! Það er einhver rosa gönguvakning í fyrirtækinu og við viljum endilega vera með (erum vissar um að allar hinar séu að spjalla um aðal slúðrið í bænum og við séum að missa af öllu)!! En sem sagt við erum mættar með skó og úlpur og ætlum að bruna út í hádeginu og ef þið vegfarendur góðir mætið okkur á blússandi siglingu (as if) þá eruð þið vinsamlega beðin að dást að okkur!! En við sem sagt ætlum ekki með hinum fyrr en eftir nokkra daga, fyrst ætlum við að æfa okkur einar í friði..hehe
Corason takk fyrir þessi fínu comment í gestabókina, ég held ég sé sammála þér ég á ábyggilega ekki vini wow stórt tekið upp í sig núna!!!!

Jæja skólinn aftur! Kennarakvölin lofar að skila fljótlega hvað sem það þýðir, gæti þýtt þessar heilögu 3 vikur háskólans en það skiptir svo sem ekki máli ég held að þetta margmiðlunarnámskeið sé að byrja og ef ég er byrjuð þegar einkunnin er komin þá er eflaust ekki hægt að fleygja mér út..tralalala..það er stundum gaman að vera til!
Við haukurinn erum að verða búin að gera baðið svo fínt að bráðum tímum við ekki lengur að fara þangað inn!! Hann hafði að vísu tekið eina hillu niður meðan ég var í orlofinu og ég vissi það. Mér til mikillar undrunar hafði hann raðað alveg eins upp eins og ég hafði gert, meira segja raðað naglalökkunum mínum eftir litum!! WOW þvílíkur maður, ég hélt að karlmenn tækju ekki eftir svona smáatriðum og sem ég stend þarna og dáist að handbragði hans kemur hann blaðskellandi og spyr hvað ég sé að gera. Ég sagði honum að ég væri að dást að því hvernig hann hefði raðað naglalökkunum aftur á hilluna. "hvaðmeinarðu?? Raðað aftur?? Ég tók bara hilluna niður með öllu sem á henni var og þurfti engu að raða aftur" svaraði hann stoltur! Hehe þarna hrundi sú tálsýn!
Hann fékk líka "til prufu" nýtt járn fyrir eyrnalokkana mína. Gosh hvað þetta er flott, þeir taka sig miklu betur út núna en áður ;)) og síðan erum við að verða búin að setja upp fullt af myndum inn á bað, fórum þá leið að skanna ýmsar myndir og þá getum við skipt oftar...ægilega fínt ;))

Oshhh, uppgötvaði mér til hrellingar og mikillar skammar að ég gleymdi einu umræðuefninu, nefnilega feng sui..úff hvernig gat ég gleymt því? Þetta var nefnilega heilmikið gaman og það besta var að finna út hvar peningatréð ætti að vera til að lokka inn peninga á heimilið..og ég tali nú ekki um bleiku duluna sem á að vera til staðar í hverju svefnherbergi. Úr þessu verður bætt við fyrsta tækifæri, peningatré, bleik dula og þrílappaði froskurinn (einhver vildi hafa hamstur en við fullvissuðum hana að viðkomandi dýrategund yrði að vera þrílöppuð og henni leist ekki á að slíta eina löff af aumingja hamstrinum) þannig að þetta verður dauður froskur með þrjár lappir..wow..það er nú soldið spennandi að vera til, hér hef ég lifað öll þessi á og aldrei haft hugmynd um þessa froska og hvað þá að þeir væru lykilatriði fyrir hvert heimili!!!!!! Úr þessu verður bætt.............

Og þá er húsmæðraorlofi 2003 lokið! Að þessu sinni fórum við fimm og þar var mikið gaman. Við höfðum með okkur fullt að lesa en og drekka og auðvitað borða! Höfðum steinasteik á laugardagskvöldið og það var svo mikið grænmeti að við nærri gleymdum að borða kjötið (hver hefði trúað því). Steinasteik er frábær uppfinning!!!!!
Potturinn stóð fyrir sínu og var heitur og fínn. Hafði með mér kampavín (að ráði starfsmanns frívörulagersins) og skrattans flaskan sprakk í frystinum. Þegar við opnuðum frystihólfið leit þetta út eins og einhver hefði orðið fyrir stórslysi (vínið var rautt). Sá heilmikið eftir þessari flösku því hún hafði fengið sérstök meðmæli..en það var svo sem nóg annað að drekka, jafnvel kokteilar fyrir þær sem það vildu!
Við höfðum það af að fara ekkert út úr húsi (nema Murta skrapp eftir einhverju að brenna). Annar erum við stoltar af því að viðurkenna að þetta var hreint og klár orlof þar sem enginn nennti að hreyfa sig.
Umræðurnar að þessu sinni sérust um brjóstastærð og brjóstagerðir! Mjög þarft og gott umræðuefni! Einnig eyddum við smátíma í að finna gönguferðir sem við gætum farið í, í útlöndum (eyddum ekki löngum tíma í það þar sem við lágum og þjáðumst af ógurlegri leti).
Allflestir á leið í eitthvað nám þannig að allir eru voða spenntir fyrir næsta vetri!
Hvað meira?? Jú eitthvað ógurlega fínt partý í sumar að fagna stórafmælum (mitt, MB, HE og corason líka). Það er spennandi að vita hvernig það verður ;)))
Nenni ekki að skrifa meira (þarf að vinna smá)..kemur meira svona smá saman

Vanþakklæti heimsins er mikið og þetta er rétt sem stendur í annálum að laun heimsins séu vanþakklæti. Og hver er ástæðan fyrir beiskju minni? Jú hér erum við hjónaleysin búin að strita við að koma Dammorkis yfir 1000 manna múrinn og rétt höfðum það af í síðustu viku. Ég taldi því að þar yrði þakklæti og geypigleði, kampavínstappar þytu um loftið o.s.frv.... En hvað gerist, jú hann (heimilisfaðirinn í Dammorkis) rétt fæst til að veita mér smá mola af kökunni og gerir það með tárum! Ja ég verð að segja eins og er að þegar ég var búin að þurrka tár Hauksins í gærkvöldi (sá ekki athugasemdina fyrr því ég var í húsmæðraorlofi og engar tölvur) þá hrutu tár úr augum mínum líka og mér féllust hendur. En eigi þýðir gráta Björn bónda heldur safna liði og hefna!!!!!!!! Nú er það bara spurning hvenær við brjótum múrinn og það verður örugglega hljóðmúrinn í leiðinni!!!!!!!!
"kvikindislegt glott" Eini gallinn er að það er ekki teljari hjá mér, verð að gera eitthvað í því hið bráðsta..