Meinvill í myrkrunum

...and all of the angels..

17 maí 2003

þá er ég búin að setja upp athugasemdakerfi hjá mér..hef ekki tíma til að breyta heitinu á því en það er shout out....laga það síðar tjaó

enn ein prufa

prufa 2

prufa

Ég er mikið að spá í þessa banka. Mér finnst það alveg merkilegt að þeir hafi svo góðar varnir hjá sér að í tveimur bönkum á mánaðartímabili geti smástrákar hreinlega hoppað yfir borðið og náð sér í peninga. Ég er viss um að flest heimili eru með betri öryggiskerfi en þetta. Það er eins og þeir séu að biðja um að vera rændir. Það er banki í vinnunni hjá mér og þar eru þær í glerbúri, þannig að enginn kemst að þeim og er samt sennilegt að þetta sé útibú sem litlar líkur eru á að sé í áhættuhóp varðandi rán því þarna eru ekki svo margir sem koma inn af götunni. Mér finnst þetta mjög furðulegt. Og hvað gaurarnir eru rólegir. Þessi í ráninu á föstudag labbar bara í rólegheitunum yfir gólfið eins og það sé heimisins ómerkilegasti hlutur að vera að koma og ræna banka, ekkert stress bless eins og Hemmi Gunn hefði orðað það. Og svo eru þeir svo heimskir, það er ekki verið að reyna að villa á sér heimildir, vera í dulargerfi eða eitthvað, nei þeir bara labba í rólegheitinum í bankann í sömu fötunum og þeir ganga í dagsdaglega með bakpokana sína á bakinu. Það liggur við að mar hafi það á tilfinningunni að þeir stoppi við kameruna og brosi, bara svona til öryggis, ef vélin hefur ekki náð af þeim góðri mynd. Fegin er ég að eiga enga peninga, samkvæmt minni heppni hefði það verið mínir peningar sem hefðu legið á lausu og því lent í bakboka heimska bankaræningjans!!!!!

16 maí 2003

Birna, það er þetta með FÓLK.... hmmm...haukurinn, minn elskulegi sambúðaraðili, og gunnsan, mín elskulega litlasystir, eru enn að hlæja að því að mér hafi boðist að mæta í þáttinn. Spáðu bara í því hvað þau hefðu hlegið ef ég hefði svo mætt? hmmm þetta er erfitt fólk sem stendur að mér..sem minnir mig á annað, var ekki stefnan tekin á það að þú héldir einni svona bloggsíðu úti?????? Ég er enn að bíða eftir því.....

Það er enn tiltekt í vinnunni..við reyndum að múta nefndinni sem gengur á milli manna með því að gefa þeim súra mysu, harðfisk, hrútspunga og japanskan hráfisk (oj) en það þýddi ekki neitt, þau vildu ekki lofa því að í lok dagsins fengjum við verðlaun..og við sem spiluðum vel valda músík fyrir þau líka (hinn sænska Elvis, Eilert Piram sem er rammfalskari en allt sem rammfalskt er og ég meðtalin) .. en við hefndum okkar þá snarlega og afhentum þeim uppsagnarbréf þar sem þeim var sagt upp á staðnum og peningarnir í uppsagnartíma renna til okkar!!!! Gott mál að vinna í starfsmannahaldi......
Annað er að málið er að vera sem frumlegastur í búningavali..ein deild er klædd sem skurðlæknar í miðjum skurði, önnur er með havaí stemmingu og trópikal drykki, stráhatta og flott, þriðja deildin er sætar prinsessur að bíða eftir heimilishjálpinni (góð hugmynd, ég hef beðið lengi eftir minni en hún bara lætur ekki sjá sig, kannski af því ég borga illa???), já, svo eru hér flugstjórar og flugþernur og ýmislegt fleira...Eiginlega hálfgerður furðufatadagur....og öllum finnst voða gaman ;)))
Í gær talaði ég við mágkonu mína í Svíþjóð og tilkynnti koma mína og foreldranna í nokkra daga í júlí..aumingja hún..hún sagði mér að það væri einhver læknir þarna í bænum sem er búin að fá skyldlið sitt mörgum sinnum í heimsókn meðan dóri og hún hefðu bara fengið mig einu sinni og einar tvisvar (en við erum auðvitað best hvort eð er)..síðan hún sagði þetta eru bæði systkini hennar búin að koma með hela familien, ég og foreldrarnir að koma í sumar, pabbi hennar og Steina í júní og Guðmar og frú í næstu viku..spáið í því..maður á aldrei að kvarta yfir of fáum heimsóknum því þá hellist öll fjölskyldan yfir mann..ojojojoj

Ég er að hverfa!!!! Það er opinberlega staðfest!! Ég ætti kannski að hætta í eróbikinu áður en illa fer (as if)!! En sem sagt í þessari opinberu mælingu fékkst það staðfest að það eru 900 grömm farin af dýrmætri mér (já ég veit að það var tilgangurinn)

Í gær var samt með afbrigðum leiðinlegur tími, endurtekningar í hálftíma með tilheyrandi flóknum sporum JÆTES... Í framhaldi af því fór ég að spá í því hvað í ósköpunum fær fólk til að vinna við þetta. Spáið í það!! Þarna eru flottar stelpur, þær standa uppi á palli, marga tíma á dag og hrópa á feitabollur eins og mig, "fjórar enn og svo allt frá byrjun, koma svo, einn, ..." og þetta endurtaka þær oft á dag og í hverjum hópi eru einn til tveir vonlausir eins og ég sem sjá ekki nokkra tengingu milli hreyfinga handa og fóta og hvað þá ná að æpa eitthvað með.. Þetta hlýtur að vera spennandi ævistarf!! Ætli það komi ekki stundum upp löngun hjá þeim að æpa "hunskastu út fitubollan þín þú getur aldrei lært þetta" eða "ég er búin að endurtaka þetta FIMM sinnum reyndu að ná þessu beljan þín" úps það er gott að ég er ekki eróbik kennari!!!!!! En sem sagt það er tæplega kíló farið af mér á þessari viku!!!! Gott mál!

15 maí 2003

Búin að fara og ræða við Guðrúnu Geirsd í HÍ. Henni fannst þessar nýju hugmyndir mínar með MAverkefni vera mjög spenandi og bauðst til að vera leiðbeinandi minn ef ég vildi... tralalalala nú get ég farið að byrja...;))) Ég var ekki að fíla hitt sem ég valdi og þar fyrir utan fannst mér sá leiðbeinandi ekki vera alveg á sömu línu og ég. Guðrún er hins vegar alger trúður og um leið alger proffi ;)))
Það er vigtun í dag í eróbik draslinu og spurning hvort eitthvað hafi gerst eða hvort það sé enn það sama..þá verð ég fúl (þó ég hafi ekki verið að gera neitt til að léttast) haha mar er ekkert smá klikk....

Í tilefni dagsins dró ég fram einn af mínum fínu sumarkjólum! Eiginlega er ekkert tilefni annað en það er að koma sumar held ég! Blómin hjá foreldrunum eru útsprungin og fín og draslið heima hjá mér meira áberandi en áður (stuna), ég verð eiginlega að gera eitthvað í því um helgina! Á morgun er tiltektardagur í vinnunni og ég ætti nú bara að halda áfram heima hjá mér líka! Þetta verður eflsaut svaka stuð, í fyrra var themað svuntur en í ár verður það hattar! Ég er nú ekki í frjósömustu deildinni hvað varðar hugmyndaflug varðandi búninga en við ætlum að reyna og ef vel tekst til er hugmyndin nokkuð góð. Kemur í ljós á morgun!

14 maí 2003

Jæja þessi fíni húsfundur fór bara nokkuð vel fram. Kellurnar mættu auðvitað báðar og önnur byrjaði að skjóta og lýsti því yfir hátt og snjallt að hún vildi vinna að ýmsum málum en það yrði þá að vera öruggt að hin væri ekki með..barnalegt!!
Í gær fékk ég bréf frá FB þar sem mér var boðið að vera viðstödd útskrift sem "eldgamall" útskriftarnemi ...næs..... veit ekki hvað ég geri, langar nú pínulítið að fara og sjá hvort einhverjir af þeim sem útskrifuðust með mér mæta..gæti verið gaman..annars erum við Marín að fara að halda upp á þennan áfanga á laugardaginn...
Á morgun ætla ég að fara að hitta kennara í HÍ og athuga hvort ég geti ekki skipt um mastersverkefni. Langar að gera eitthvað í sambandi við netið..ekki þetta leiðinda matsverkefni sem ég var áður búin að velja... mér finnst þetta tröll alveg frábært, kannski er það bara málið að ég samsama mig svo vel við það haha

13 maí 2003

Í gær þegar ég kom heim úr vinnunni mættu mér öskur og læti við blokkina. Ég varð að vonum steinhissa og þegar ég opnaði útihurðina þá var greinilegt að þetta voru einhverjir nágrannar mínir að rífast! Úff rífast er svo sem ekki rétta orðið, þetta var meira í átt við slagsmál og þvílík öskur og formælingar. Úff úff, hetjan ég laumaðist framhjá og var bara alls ekki viss hvort ég ætti að trufla þær með því að segja "góðan og blessaðann daginn" þegar ég þrammaði framhjá. Enda fór svo að ég fór bara þegjandi hjá, en þær héldu áfram að æpa á hvor aðra og þegar ég opnaði íbúðina mína þá skellti önnur þeirra sínum dyrum svo harkalega að gluggarnir nötruðu... úff segið svo að aldrei gerist neitt... og í kvöld er húsfundur, hann gæti orðið spennandi eða þannig
Í kvöld er eróbik og ég fæ þá ánægju að rolast í kringum pallinn..en nú eru bara 7 vikur eftir, ein búin tralalala

12 maí 2003

Og þá er bíllinn hans meinvill kominn í sumarskóna, loksins

Til hamingju Harpa að vera komin með svona fína dagbók ;)) Ég varð fyrst til að skrifa í dagbókina tralala
En snúum okkur að efni dagsins! Laugardagurinn var fínn, fór í stuttbuxum að kjósa rétt (fyrsti sumardagurinn) og brunaði svo heim (labbandi hvað annað) og tók Vittorino í myndatöku (mamman tók flestar myndirnar en ég tók nokkrar). Þær myndir koma í kvöld á síðuna ;))
Kosningapartý hjá Auði og þar var mikið grand. Fullt af listamönnum og partýanimalið tók af þeim myndir af miklum móð við geysimikinn fögnuð þeirra (or not??) haha
Síðan komu úrslitin og þá var auðvitað ekki ein gaman því greinilega kusu ekki allir rétt ein og ég því stjórnin stóð FRAT en svona er þetta bara!
Í gær var svo letidagur en ég byrjaði samt að reyna að taka íbúðina í gegn svona smávegis, kemur allt með kalda vatninu
Og ekki meira golf ;(( námskeiðið búuuuuuiiiiiiðððððð) buhuhu
ég verð bara að fara sjálf og spila einhvers staðar en fyrst þarf ég að kaupa járnið


Powered by Blogger