þakka þér fyrir SM, ég átti góða nótt ;)) Í nótt vaknaði ég ekki fyrr en klukkan fimm (fór að vísu ekki að sofa fyrr en eftir miðnætti) hehe

Þessi litla pilla er kraftaverkapilla, ég ætti kannsi að fara oftar til læknis tralalala Og spáið bara í það pilludruslan er minni en nögl á litla fingri (miðaða við litla putta) og samt verkar hún svona vel.

Við hjúin fórum á Argentínu í haustfagnað vinnunnar. Ohhhh hvað það var gott að borða ummmmmm við vorum enn södd þegar við vöknuðum. Ásmundur Stefánsson kolvetnagúru var líka að borða þarna með fullt af fólki og okkur langaði rosalega að vita hvort hann sleppti kartöflunum hehe Kunnum ekki við að fara og tékka á því hehe

Núna er ég að bíða eftir Gullmolanum. Hann ætlar að vera hjá mér þangað til annaðkvöld því múttan er að fara í einhverja ferð til Akureyrar. Við ætlum að fara að skoða jólin hjá leigubílstjóranum ;)))) Stuð hjá okkur.

Blað hefur verið brotið í lífi mínu. Héðan verður ekki aftur snúið og allt það. Í gærkvöldi tók ég fyrstu svefnpilluna sem ég hef tekið á ævinni. Jamm, svona er nú komið fyrir manni.

Ég fór nefnilega til læknisins um daginn og vældi þar eins og mér væri borgað fyrir það (ég borgaði náttúrulega fyrir það en fékk ekki borgað). Lækninum var ekki skemmt og eftir þessar típísku spurningar um hvernig staða mín í lífinu væri, þá tilkynnti hann mér að forgangsatriði væri að laga hjá mér svefninn.

Ha??? Svefninn? Hvað meinar þú? (og hann búinn að fara mörg, mörg ár í skóla og hann finnur út að sálarangist mín sé svefnleysi pjú og þetta borgar maður fyrir). Þegar ég var búin að ná því hvað hann sagði, var ég fljót að tilkynna honum að ég ætti ekki í neinum vandræðum með svefn. Ég sofna um leið og ég leggst niður.

Að vísu fer ég ógeðslega, ógeðslega snemma að sofa en það er bara af því ég þarf að vakna svo snemma. Ekkert annað. Held ekki út eitt partý og fer ekki út að skemmta mér en það er bara af því ég þarf að vakna svo snemma og það er svo mikið álag í vinnunni og skólanum. Ekkert annað. Stundum verð ég andvaka en það er yfirleitt bara í 10 mín (tel ekki með þennan fjandans föstudag fyrir viku). Hann hlustaði þolinmóður á mig og sagðist ekki efa það að ég sofnaði um leið og ég legðist og að ég væri síþreytt, af því að... "Hversu oft vaknar þú á nóttunni????"

Vakna? Hvað er að mannaulanum. Ég vakna svona 6-8 sinnum á meðalnóttu af því ég get ekki snúið mér við út af bakinu og þarf því að gera það varlega, ofsa varlega.

"Einmitt", sagði lækirinn ráðagóði. Þú sefur EKKI nóg af því þú ert allt af vakna, hér færðu pillur við því þó ég sé á móti því að gefa pillur"

Hmm læknisasni, hvað er hann að gefa mér pillur við svefnleysi sem ég þjáist ekki af og kóróna það með því að segja að hann sé á móti pillum. Ég er með vöðvabólgu og vantar frekar eiithvað vöðvaslakandi til að ná að fleyta mér yfir næsta mánuð eða svo. Get hvílt mig yfir jólin.

Ég fór heim með uppáskrift fyrir 3 tegundum af pillu. Eitt fyrir bakið og annað fyrir svefninn jejeje As if.

Ég náði ekkert í þetta því ég þarf ekki svefnpillur. Nú fóru í hönd tilraunanætur þar sem ég vaktaði sjálfa mig og svefninn og mér til skelfingar þá hefur kallinn rétt fyrir sér. Ég sef í mesta lagi klukkutíma í einu, stundum tvo og þá glaðvakna ég til að snúa mér við. jísus h kræst.

Í gær tók ég fyrstu pilluna. Hún var pínu, pínu lítil. Svo lítil að ég horfði á hana efasemdaraugum. Á þetta að virka??

Ég fór að sofa klukkan rúmlega 10 eins og venjulega af því þá er ég að dauða komin. Ég vaknaði eftir smátíma og leit á klukkuna. Jibbý jej hún var 3.09. Ég var búin að sofa í rúma þrjá tíma í einni lotu og það hefur ekki gerst í manna minnum. Í kvöld ælta ég aftur að taka svona pínu, pínu litla pillu og sofa ;))

Jólabækurnar woah
Mér hefur alltaf fundist þessi tími sem nú er að ganga í garð alveg rosalega skemmtilegur. Það er alls ekki af því þessi tími endar með jólunum. Nei það er af því nú eru að koma út bækur og meiri bækur. Að vísu verð ég að játa að eftir að ég hætti að þurfa að treysta á að bækur væru þýddar fyrir mig þá er ekki eftir eins miklu að bíða. En samt.. það er eitthvað skemmtilegt við að vita að það eru að koma út glás af bókum, glás og meiri glás.

Það sem ég hinsvegar þoli ekki og ég get sett það í hástafi, ÉG ÞOLI EKKI BÆKUR UM UNGT FÓLK SEM ENN ER Á LÍFI OG HEFUR EKKI GERT NEITT MERKILEGT Í LÍFI SÍNU. Og hana nú. Ok ok, auðvitað hefur þetta lið gert margt og mikið. Þetta er bara öfund í mér af því ég hef ekki gert neitt nema bara vera til. Kláraði t.d. meiri hluta skólagöngu minnar meðan ég var enn svo ung að það þótti ekki merkilegt. Skólaganga er ekki og verður ekki merkileg nema hún sé sótt á efri árum ævinnar.

Tökum dæmi: Það er að koma bók um Lindu Pé. Hún er ekki orðin fertug og hún var einu sinni fegurðardrottning. Hún varð fræg fyrir að vera falleg. Gott fyrir hana. Síðan opnaði hún líkamsræktarstöð, fór að dópa og drekka (veit ekki hvort það var alveg í þessari röð), hætti í öllu rugli og flutti til útlanda. WOW mig langar svoooooooo að vita meira..... NOT

Ruth Reginalds. Hún varð fræg fyrir að syngja eins og engill þegar hún var barn. Hún réði ekki við frægðina og fór að dópa og drekka. Sukkaði í allmörg ár, fór í nokkrar afvatnanir. Hún er núna laus við allt rugl, farin að syngja aftur og líður vel. Er ekki orðin fertug og er að gefa út bók. Mig langar svooooooooooo að vita meira um hana og hvað hún átti bágt öll þess ár.... NOT

Bubbi Morthens varð frægur fyrir að vera á móti kerfinu og syngja skemmtilega anarkista söngva. Reiður ungur maður. Dópaði sig næstum í hel, kynntist konu sinni, stofnaði fjölskyldu, hætti að dópa, breytti um söngstíl og GAF út ÆVISÖGU sína ekki orðinn fertugur...goshhhhhh mig hefur alltaf langað svoooooooooo að lesa hana... NOT

Hvað er að að þessu sjálfsánægða liði? Af hverju er nóg að dópa og drekka nógu mikið og þá er komið efni í eina bók? Þau eru ekki eina dæmið. Þetta sama á við um allar þessar kjaftæðisbækur um Jón Baldvin, konuna hans, alla hina stjórnmálamennina sem langar að fá gefna út bók um sig.

Halldór K Laxness var frægur maður og frábært skáld. Ég hef að vísu aldrei haft gaman af bókunum hans en get þó viðurkennt að maðurinn er hreinn snillingur. Maður þarf ekki að hafa gaman af honum til að viðurkenna það. Nú er hann búinn að vera dauður í nokkur ár og það er núna fyrst sem einhver hefur sig í að skrifa um hann. Enda var hann ekki dópari.

Ég get varla beðið eftir að fara að lesa allar þessar bækur um fólk sem búið er að vera í hverju tölublaðinu á eftir öðru í Séð og Heyrt frá því það var fattað upp á því blaði. Gosh hvað það eru spennandi tímar framundan fyrir bókaorm eins og mig. Það endar með því að ég verð áfram að lesa bækur á ensku því íslenskir höfundar eru búnir að finna gullkálfinn og líka búnir að fatta hvernig eigi að græða á honum. Það á nefnilega bara að skrifa um hann bók, auglýsa hana svo rækilega fyrir jólin þannig að allir haldi að þeir séu að missa af einhverjum stóra sannleika og þá verður maður ríkur!

Íslendingar eru hópsálir og á það við um rithöfunda alveg eins og allt annað. Vill einhver fara að fatta upp á einhverju öðru fyrir þá að skrifa um heldur en liðið í Séð og Heyrt.

Og bæ þe vei, af hverju skrifar enginn um forsetaframbjóðandann friðelska? Er hann ekki nógu mikill dópari til að seljast? Ekki misskilja mig, ég myndi taka stóran krók fram hjá bókabúð sem seldi bók um hann, en vantar hann ekki í þessa flóru athyglissjúkra Íslendinga????

Uss bloggerinn búinn að vera óstarfhæfur í allan dag. Eins gott að það er svo brjálað að gera að ég hef ekki haft tækifæri til að pirra mig yfir því.

Ægilega var nú samt gott að fá að fara á jeppanum í vinnuna í öllum þessum snjó (það er víst snjór, alla vega heima hjá mér). hvað sem því líður þá er skítakuldi og gott að vera á stórum jeppa og horfa á hina vesalingana í smábílunum sínum

Og í dag á María afmæli ;))
Til hamingju með afmælið

Ég uppgötvaði eitt ægilega skemmtilegt áðan þegar ég var að keyra heim úr skólanum. Nefnilega að í dag er fyrsti dagurinn sem mér hefur liðið vel allan daginn ;)) Það eru margir, margir, margir dagar síðan ég hef getað sagt svona ;)) kannsi er ég bara að skríða saman þrátt fyrir háan BMI stuðul hehe

uss, haldið að það sé ekki komnar nýjar reglur á deildinni sem ég þarf að sækja hjálp frá. nú fá konur ekki að koma inn nema vera með líkamsþyngdarstuðulinn (BMI) í lagi. Rosalega var ég heppin að vera sloppin inn haha það hefði nú hjálpað enn meira upp á andlega heilsu ef ég hefði fyrir utan allt hitt verið stoppuð á fitukomplexunum mínum. Jísus F Kræst segi ég nú bara eins og í þá gömlu góðu daga.

Alveg er þetta ljómandi fínn frostdagur ohhhh ég var að vona að það kæmi ekki skaftími fyr en eftir marga, marga mánuði, ég þooooli ekki að skafa. Svo er líka svo dimmt á planinu hjá mér að mar er í stórhættu meðan mar staulast í kringum bílinn með sköfuna eina að vopni. Það er á svona dögum (sem sagt allan veturinn) sem ég vildi búa á Kanarí eða einhverju öðru sólardóti.

Það hefur komið upp sá misskilningur að ég sé ekki heima ef öll ljós eru slökkt heima hjá mér. Það þarf ekki endilega að vera rétt. Ég er vampýra og þarf ekki ljós, fiskarnir una sér einnig vel í myrkri og haukurinn er orðinn flinkur að þreifa sig áfram með hendurnar beint fram. Þegar svona stendur á er ég örugglega að læra og þigg alla truflun með mikilli gleði. Þannig að bankið upp á og ég kveiki ljós fyrir ykkur.

Það er búið að panta handa mér ferð til Amsterdam ;)))) Ég verð í nokkra daga í Rotterdam að vinna og líka smá tíma í Amsterdam þetta er BARA gaman ;))

Þá fer ég bara að taka gleði mína á ný. Yfirmaðurinn er ábyggilega að gera þetta bara til að ég fari að brosa aftur ;) og ég lofa að ég skal gera það.

Sá 5 sek skot úr þessum anerexiuþætti í gærkvöldi og það sem ég sá brenndist inn á sjónhimnu mína. Ökklar jafnbreiðir og úlniðir hjá mér. O gosh af hverju gerir fólk svona við sig? Jájá ég veit að ég er alltof feit og það er líka spurning af hverju ég geri það, en hitt er svo sjúklegt. Og það er líka sorglegt. Að horfa á myndarlega unga konu og þremur árum seinna er hún orðin eins og Holocaust sjúklingur. Ég gat ekki horft og fór og hélt áfram að læra.

Jæja, ég sá að við svo búið mætti ekki standa og hunskaðist til læknis með öll vandamálin mín sem eru auðvitað sáralítil á mælikvarða heimsins. Læknirinn var hissa að sjá mig "Hey, það eru nokkur ljósár síðan ég hef séð þig". hmmm ég ætti kannski að fara oftar þó það væri nú bara til að safna ekki svona upp almennum krankleika og aumingjaskap.

Honum fannst ég vera hálfgert keis, ekkert mikið en nóg til að hann gaf mér fullt af lyfseðlum og er hann þekktur fyrir að vilja ekki gefa fólki lyf. Þetta ætti því að verða spennandi allt saman. Hann sagði líka að ég skyldi hætti að hugsa um lækningu á bakinu. Um það væri ekki að ræða. Þetta væri komið til að vera. jæja eiga læknar ekki að gefa manni góðar fréttir? Ég spurði hvort ég gæti ekki bara farið í nudd eða sjúkraþjálfa og hann sagði "Nei, það hefur ekkert að segja í þessi tilfelli. Það að vísu teygir á bakinu og vöðvunum sem er mjög gott en gerir ekki mikið annað. Þú getur alveg eins keypt þér góða skó með loftpúðum og farið að labba því það er besta nudd fyrir bakið sem völ er á" Ég segi enn og aftur eiga læknar ekki að lækna mann? Eiga þeir að reka mann út í kuldann og segja manni að fara að labba..huh En sem sagt þetta er í "diskunum" og þess vegna á ég svona erfitt með helf. hoppið í eróbikinni. haha ég vissi að ég ætti ekki að vera þar hehe nú ætla ég ALDREI framar í eróbik og helv pallaleikfimi. Aldrei!

Og svo ég fékk ég ýmisar fleiri pillur og á að reyna að sofa meira. huh sofa meira. Þá verð ég sofandi allan sólarhringinn.

Enn einn hamingjudagurinn runninn upp. Þvílík gleði og þvílík hamingja. Annars kláraði ég að skrifa fjandans ritdóminn í gær. Hann er ekki góður. Hann er allt að því mjög slæmur. En hann er tilbúinn og honum verður skilað. Ég skal viðurkenna hér þar sem enginn sér til mín að það er langt síðan ég hef verið í svona litlu stuði til þess að skrifa grein eða umsögn eins og ég er núna. En ég er búin og fæ þá ekki 0 fyrir þetta. Helgin var sem sagt undirlögð í þetta og ekkert annað.

Við fórum að vísu í IKEA að skoða ljós því það er ekki hægt að læra við þetta ljósleysi sem ríkir heima hjá mér en fundum engin. Fundum hinsvegar fína eldhússtóla sem við kaupum við tækifæri (þegar lottóið hefur bankað hjá okkur).

Verð að fara að vinna. Úff ég þarf að gera svo mikið á næstu þremur vikum. Eins gott að halda andlitinu út á við (stuna)