Ég er svo kvikindisleg í eðli mínu að það hálfa væri nóg. Þessa dagana er ég að hlakka yfir Gísla Marteini og fávitaskapnum í honum. Hann er gjörsamlega eins og ormur á öngli yfir þessari ókláruðu BAgráðu sinni. Assgoti er þetta fyndið. Og allra fyndast finnst mér þegar hann segir að það sé svo ogguoggulítið eftir að það sé bara ekki neitt. En það er samt nóg til þess að hann er ekki búinn að klára. Ef hann væri iðnaðarmaður og ætti ogguoggulítið eftir til að klára sveinsprófið sitt þá væri hann kallaður fúskari af öðrum iðnaðarmönnum og þeim sem þurfa að nota hans þjónustu. Er þetta eitthvað öðruvísi með þá sem fara í háskóla? Eru þeir ekki bara fúskarar ef þeir klára ekki prófið sitt en segjast samt vera búnir að því? Og það er ekki eins og gaurinn hafi ekki haft nógan tíma því samkvæmt því sem hann segir þá kláraði hann 2002 sem hann gerði jú ekki. Þrjú ár síðan. passaðu þig nú bara Gísli minn að þetta fyrnist ekki haha assgoti er þetta skemmtilegt. Sýnir bara og sannar það sem ég hef alltaf sagt, ef mar þekkir rétta fólkið þá þarf mar ekkert að vera eyða tíma í að læra eitthvað. Mar velur bara hvaða gráðu mar gæti hugsað sér, segist vera með hana og fer út og reynir að koma sér upp húsnæði á sama tíma og aðrir eru að bagsla við námslán og kjaftæði. Ég gæti td alveg hugsað mér að vera með doktorsgráðu, Ég er nú komin langleiðina þangað en á smávegis eftir. Er það nóg til að ég geti gengið um sagt mig hafa gráðuna? Ég er að hugsa um að prófa haha

Hann á afmæli í dag, hann á afmæli í dag, hann á afmæli litli molinn, hann á afmæli í dag



Hann tók utan af pökkunum einum og einum í einu með margra tíma millibili (og það er ekki lygi) og eyddi heilmiklum tíma eftir hvern pakka í að hreinsa upp allt pappírsruslið og henda því. Snyrtipinni hann frændi minn hehe