Fór á tónleika í gærkvöldi, Sinfó og Dúndurfréttir að spila The Wall. Mikið ofboðslega var þetta gaman. Þeir urðu hálf vandræðalegir við uppklappið ;) en þetta var BARA frábært.

Áfram með labbið. Skakki kemur heim frá Færeyjunum í kvöld. Hann þarf að fljúga í gegnum Köben því það er allt uppselt til landsins. Ekki skrítið eins og veðrið er búið að vera. Meira segja albínóar eins og ég eru komnir með smá lit í vanga.

Ég er að byrja á seinni hendinni (naga neglur) og er þakklát fyrir að þessi ofurlanga vika er LOKSINS að verða búin. Ég er komin með fyrirvaraverki og útvíkkun. Veit ekki hvernig hægt er að stoppa það ef upplýsingar koma svo ekki fyrr en eftir mánuð. Er maður ekki látinn liggja í svoleiðis aðstöðu?

Mikið rosalega, rosalega er þetta búið að vera löng vika. Dagarnir bókstaflega silast áfram. Ég hef enga einbeitningarhæfni eða vilja til að reyna að gera eitthvað annað en bíða eftir fréttum sem ég veit þó að koma ekki fyrr en í fyrsta lagi um miðja næstu viku. Og ef við fáum ekki jákvæðar fréttir þá má búast við annarri svona viku í lok næsta mánaðar, skelfileg tilhugsun


En svona á jákvæðari nótunum þá verður opnuð búð í dag sem heitir Faritradebúðin. En fairtrade er vörumerki sem tryggir að framleiðandi vöru (frá þróunarlöndunum) fái það sem honum ber fyrir framleiðslu sína og að ekki séu börn í þrælkunarvinnu að vinna við tiltekna vöru. Þetta er fyrsta búðin sem opnar á Íslandi en Fairtrade vörur hafa verið seldar að einhverju marki í stórmörkuðum fram að þessu.

Til hamingu Harpa með búðina ;)

Veðrið er búið að vera frábært. Sænska nýbúanum finnst þetta ekki heitt og gerir hann óspart grín að okkur mölbúunum sem eru að stikna. Sérstaklega fannst honum athyglisvert að virðuleg föðursystir hans hafi náð að brenna undurfagra albínóa húð sína um helgina. Gúrkutíðin er algjör og er ég að spá í að fara að dæmi rúv og segja frá gamalli frétt um strætó, eða ekki...

Nú fer í hönd síðasta vika fyrir upplýsingar, það er að segja hægt er að reikna með að það sé rúmlega vika í næstu upplýsingar frá Kína og við vitum ekki hvort við verðum með. Það þarf að fara yfir 7 daga af umsóknum til þess að við sleppum með en síðstu tvo mánuði hafa blessaðir kapparnir bara farið yfir 6 á mánuði. Sem sagt við erum á brúninni og spurning hvort við sleppumm inn eða ekki. Það má því reikna með að ekki verði mikil einbeitning í neinu þessa vikuna og að neglur hverfi að fullustu.

Ég er farin í golf því þá þarf ég ekki að hugsa um þetta í nokkrar klukkustundir!