Jæja komið nýtt ár með nýjum ævintýrum. Nú er eitt ár og einn dagur síðan ég og fyrirtækið skildum ekki sátt. Og eftir nokkra daga byrja ég í nýrri vinnu. Ofsa stuð. Það er svo mikið stuð að það er þegar búið að brjóstast þar inn og stela tölvunni minni sem ég nota bene var ekki byrjuð að vinna við. Segið svo að hlutirnir gerist ekki hratt!

En, Haukur mun nú taka við sem húsfaðir og hlakka ég sérstaklega til að þurfa ekki að skipta á rúmum (haha)! Hann og Yunin munu örugglega eiga góðar stundir næsta hálfa árið en hann verður heima þar til í byrjun júlí, ekki amalegt ;)

Við Yunin erum búnar að vera saman í fjóra og hálfan mánuð í næstu viku og erum að hluta til að verða samvaxnar þannig að það verður gott fyrir hana að fá smá pabba tíma. Ég gerði það nú sem síðasta verk áður en mínu orlofi lyki að skrá barnið á sína fyrstu líkamsræktarstöð enda ekki seinna vænna því hún er jú að verða tveggja ára. Hún á að mæta einu sinni í viku og dansa og syngja fyrst og fær síðan að jöflast í tækum síðustu tuttugu mínúturnar. Jájá, ég sé alveg hvað þið eruð að hugsa en þessi íþróttaálfur ætlar ekki að láta dótturina verða að sama íþróttaálfinum, ó nei og svo sögðu Kínverjarnir líka að við ættum að byrja að þjálfa þau strax því hver vissi nema þarna leyndust einhverjir snillingar!!! Og ekki ætla ég að missa af því tækifærinu að verða móðir snillingsins mikla frá Húbei hihi