7 stig í mínus á hafnafjarðarmælinum..brrrr kalt. Strákurinn á hæðinni fyrir neðan mig á hinsvegar alla mína samúð því hann þarf að starta sínum bíl með startköplum á hverjum degi brrrr ekki skemmtilegt. Mér finnst ekkert ofsalega langt síðan ég var á þeim stað líka, úff ég fæ hroll við tilhugsunina

Er að undirbúa mig andlega fyrir jólaboðið á morgun. Vona að ég hafi tíma fyrir klippinguna sem ég frestaði fyrir þremur vikum og setti á morgundaginn. Mundi ekki þá hvaða föstudagur þetta er. Skammtíma minnið er nefnilega svo gloppótt.

Annars er haukurinn alltaf að kvarta núna yfir kulda í svefnherberginu. Hann vill hafa hita á ofninum. Komm onn, hver getur sofið þannig. Ég benti honum vinsamlega á það að hann hafi gaman af því að sofa í tjaldi og þar séu mun verri aðstæður en í svefnherbergi okkar. Hann tautaði eitthvað á móti sem ég taldi ekki gott að leggja á minni.