Annars er Rotterdam mjög skemmtileg það litla sem við erum búnar að sjá. Byggingarnar eru sérstaklega skemmtilegar. Fullt af flottum brúm og líka byggingar. Við erum í bókstaflegri merkingu með munninn niðri á höku allan daginn (þ.e. á morgnana og kvöldin því á daginn erum við að vinna).

Eitt vakti þó undrun okkar hér en það er að Hollendingar nota fæstir gardínur. Jamm. Og hvað með það? Nú ekkert eiginlega nema mér finnst mjög skrítið að sjá inni í stofu til allra sem við keyrum framhjá. Þegar við fórum svo að minnast á þetta var okkur sagt að þetta væri gert með vilja. Þetta er gert til að sýna að menn hafi ekkert að fela. Samt mjög skrítið og óþægilegt. Samt gónir maður á gluggana um leið og keyrt er fram hjá, alltaf sama forvitnin í Íslendingunum ;))

Annað sem er athyglisvert er að þetta er paradís reykingarmanna. Hér reykja allir allstaðar. Mér sem sönnum Íslending, finnst þetta mjög skrítið. Í lobbinu á hótelinu, á öllum veitingastöðum, á flugvellinum. Bara hreinlega út um allt. Og hérna á skrifstofunni er mötuneyti í kjallaranum og við erum búnar að borða þar (ofkos) og við vorum angandi af reykingarlykt í marga tíma á eftir. En Hollendingarnir segja mér að þetta sé að breytast því um áramótin taki við ný lög sem takmarka reykingar mjög mikið. Fyndið og svo erum við að kvarta yfir Íslandi???? ;)))

Annað sem við erum búnar að heyra er að það getur kostað nærri 120 þús að hafa barn á leikskóla allan daginn. Jamm read it and weap, 120 þúsund. Þetta á við um barn sem er 10 tíma á leikskóla. Átta tíma í leikskólanum og svo má foreldrið reikna með klukkutíma í ferðir frá vinnustað að leikskólanum, allt í allt 10 tímar. Úff ekki skrítið að flestar hollenskar konur vinna heima meðan börnin eru lítil.