Blóðsugurnar í gær fóru illa með haukinn og hann lagðist í rúmið með mikið slen (ekki ég, held ég hafi orðið hressari ef eitthvar er). Hann hefur af því gríðarlegar áhyggjur að MB hringi í hann og reki hann í gönguferð til að fá sér frískt loft því eins og allir vita þá er það allra meina bót! Hann komst nefnilega að því á síðasta laugardag að á því heimili (MB) verður aldrei neinn veikur því þar eru allir sem æmta eitthvað reknir í góða gönguferð! Hann óskar sér þess að allir vorkenni honum líka MB og Meinvill (en meinvill vorkennir í rauninni engum það er ekki skilgreint sem eitt af hlutverkum hans/hennar).
Í kvöld er það margmiðlunarsmiðjan aftur, gaman gaman! Mér finnst þetta mjög gaman og verð að viðurkenna að þetta er fyrsta verkefnið síðan ég byrjaði í skólanum sem ég get ekki beðið eftir að byrja á þegar ég kem heim ;)) Þar kom að því, ákvað í framhaldi af því að hætta við verkefnið sem ég var búin að ákveða að taka fyrir sem Mastersritgerð og reyna frekar að fá samþykkt verkefni í tengslum við vefinn! Trallalala nú fer að verða gaman (alla vega þangað til kennararnir skjóta mig í kaf aftur) hehe