Í dag á Auður afmæli og amma hefði líka átt afmæli ef hún væri enn á meðal vor. Góður dagur! Ég er á leið niður í bæ að kaupa afmælisgjöf handa gítarspilaranum frænda mínum sem er á leið til Svíþjóðar eftir helgi að heimsækja sænsku nýbúana fjölskyldu sína. Uss hvað það hefði nú verið ljúft að skjótast með. Frænka mín elskuleg (yngsta systir gítarspilarans) klippti hár sitt fyrir helgi þar "hárið var fyrir augunum á henni". Ég er viss að það fer henni vel þótt ég sé jafn viss um móðirin hafi ekki verið glöð þegar hún kom heim af langri skurðarvakt og fann barnungann svona nýklipptann.

Í þvottavélinni minni er húfa sem ég bjó til í gær í heiðarlegri þæfingartilraun. Hún passar ekki á mig, reyndar passar hún ekki á neinn en ég er að vona að þæfingin heppnist og það gerist eitthvað róttækt. Er orðin allverulega spennt bara. Þarf að bíða hálftíma í viðbót!

Við fórum og keyptum okkur sófasett fyrir helgi. Rosa gleði alveg og nú er ég að reyna að losna við gamla sófann. Er að bíða eftir að einn samstarfsmaður komi og skoði gamla gripinn. Við ákváðum nefnilega að stækka íbúðina bara þar sem við höfum ekki efni á að fara út í kaup á nýrri íbúð fyrr en eftir langan, langan tíma. Í heðarlegri tilraun til að stækka stofuna fórum við að leita að minni sófa og enduðum með að kaupa heilt sófasett sem tekur milku meira pláss en gamli sófinn haha Verður gaman að koma þessu fyrir, við verðum að losa okkur við bækur og allt til að koma þessu fyrir. Til þess að það sé hægt er ég búin að vera að endurlesa allar helstu bækurnar mínar svo ég geti sett þær í kassa og geymt þar til eftir nokkur ár þegar við getm farið að kaupa okkur aðra íbúð.

Það er að koma tími til að kíkja á þæfinguna:
Auður til hamingju með afmælið....