Þetta var svo ekki neitt mikið mál eftir allt saman!!! Reyndar má segja að þetta hafi verið afskaplega Lítið mál ;))))
Við mættum á spítalann klukkan 9 og skiluðum þar einhverju glasi og var gert að koma aftur kl. 10. Við keyrðum um bæinn í 45 mín þangað til það var kominn tími til að mæta aftur.
Þar var konulæknirinn mætt ákveðin í fasi og hún byrjaði á því að sýna okkur í smásjánni hvernig allt leit út og haukurinn var svo hrifinn að ég varð að hrinda honum frá smásjánni bara til að fá að kíkja aðeins líka. Ég held að hann sé að spá í að skipta um starf eða kannski bara kaupa sér smásjá..haha
Úps afvegaleiddist aðeins en við sem sagt skoðuðum þetta með aðdáun og síðan lét hún okkur setjast þar sem hún sýndi okkur hvernig þetta væri gert, sýndi okkur einhverja járnkrumlu og langa slöngu og sagði að þetta kæmi ekki til með að verða sárt. Síðan brá ég mér bak við tjald með lækninum, hún notaði járnkumluna til að halda opnu (svona eins og tannlæknirinn gerir þegar hann er að einangra tönn og skrúfar eitthvað drasl á tennurnar) potaði síðan slöngunni á sinn stað og VOILA búið.....
Síðan sagði hún hvað við mættum ekki gera..sem er einfalt..máttum ekki fara í sund í dag..damn og mig sem langaði svo í sund (held það séu 4-5 ár síðan ég fór síðast) hefði verið kúnstugt að skella sér akkúrat núna haha
en sem sagt..þetta er búið og komið úr okkar höndum (í bókstaflegri merkingu haha) og nú er bara að bíða róleg og ekki hugsa um þetta ;))))