Hjálp, hjálp í augnablikinu vantar mig aðeins fleiri tíma í sólarhringinn! Getur einhver gefið mér uppskrift að svoleiðis? Eða kannski er ég bara komin með síþreytu?

Aníveis ég er að fara til spákonu á eftir og ég er líka að fara á fund með mínum einkakennara til að skoða gang mála með ritgerðardrusluna sem þarf að skila þann 13 maí. Ég er búin að sitja kófsveitt og bölvandi við að reyna að koma nokkrum orðum á blað og veit ekki nema þetta sé allt bull og vitleysa. Svo er ég líka soldið svöng því íþróttir á morgnana áður en maður er almennilega vaknaður er hreinlega mannskemmandi, ég veit orðið allt um það. Ég er hreinlega orðin stórlega mannskemmd!