Nýr Íslandsmeistari í golfi leit ekki dagsins ljós í gærkveldi!!!!!!!!!!
Hvernig er þetta eiginlega með golf, í sjónvarpinu virðist þetta ekki vera neitt mál: Menn mæta bara klæddir eins og aular, setja kúluna á grasið, beygja sig í hnjánum og sveifla svo kylfunni eins og djöfulóðir! Og við það svífur boltinn í fallegum boga allt að 360 metra út í loftið og lendir snyrtilega ofan í pínu, pínu lítilli holu!!!!!
Hjá mér leit þetta ekki svona út, nei alls ekki! Þetta leit frekar svona út: Ég mætti kappklædd í allt flís sem ég gat fundið á heimilinu því það var allkalt og gott betur en það (var meira að segja í ullarsokkum). Gat varla gert upphitunaræfingarnar því ég hreyfðist ekki vegna allra fataplagganna! Síðan fengum við þessa fínu kylfu (sjöu) og TENNISBOLTA til að hitta nú örugglega. Pínulitla holan var húllahopp hringur! Síðan var byrjað að slá og á tveimur tímum náði ég EKKI einum TENNISbolta inn í húllahringinn!!!!!!!
Spurning hvort þetta hefði verið betra ef sjónvarpið hefði verið þarna að mynda? Og svo eru það auðvitað fötin, ég á ekkert köflótt flís þannig að ég var auðvitað vitlaust klædd!!!
En ég mæti aftur í kvöld (eftir leikfimina) haha..Rosa verð ég orðin fit í lok vikunnar (þeas ef ég kemst úr rúmi).

Árni, ég var búin að gleyma Lundúnarmyndunum, bæti kannski úr þessu um helgina! Í dag ætla ég nefnilega að skila ritgerðinni minni frægu og er þá laus við hana. Og þá er það bara að byrja á öllu því sem ég er búin að lofa að gera þegar því yrði lokið: Taka til (heima og heiman), bóna bílinn (eftir að hafa tínt allar flöskur úr honum), sauma föt, taka myndir af Vittorino, lesa svona 30 bækur sem hafa safnast upp, henda úr skápunum og og og....... uss ég fer bara heim og fá mér ís og spólu haha