Þá er maður bara komin heim aftur í kulda og trekk og ekkert framundan nema moldviðrið! Nei þetta er nú kannski aðeins orðum aukið ;)
Heimferðin gekk vel, haukurinn var auðvitað stoppaður allstaðar þar sem sást glitta í tollþjón og fékk jafnvel (eins og tollvörðurinn orðaði það) “quick massage” á Stanstead! Á meðan fékk ég mér bara sæti og beið hehe
Þegar við komum heim vildu þeir auðvitað gegnumlýsa töskurnar hauksins og þar sem mín var á sama vagni vildu þeir líka sjá mína sem var aðvitað allt í lagi nema ef vera skyldi vegna klósettsetunnar! Jamm rétt er það, klósettseta var með í för! Þið vitið auðvitað hvað ég er sérvitur og ég get ekki sest á hvaða setu sem er þannig að ég hafði mína með mér!!! Hljómar ekki ótrúlega en því miður er ég aðeins að skrökuljúga núna. Málið er nefnilega að corason bað mig að kaupa þess líka forláta klósettsetu fyrir sig í Lundúnum. Lítið grunaði okkur vinkonurnar að þetta væri níðþungt ferlíki sem kæmi til með að vekja gríðarathygli ef til hennar sæist! En sem sagt þarna var ég stödd hjá gegnumlýsingartækinu og tollarar tilbúnir að skoða í þar til gerðu tæki innihald töskunnar minnar og þar með hina víðrómuðu og glæsifallegu klósettsetu! Ég skellti töskunni á borðið (“skellti” er hetjulega orðað því tösku skrímslið var 27 kg) og hún rann í gegnum þetta fína tæki. Ég gekk hnarreist að enda borðsins og leit út alveg eins og kona sem ferðast með klósettsetu í farangrinum sínum og finnst ekkert athugavert við það. Þegar ég kem að því þar sem taskan kemur út heyri ég tollarann segja “Nei, ég verð að fá að spyrja..” ég leit auðvitað upp til að sjá hvað væri um að vera og í sömu mund greip tollari númer 2 í öxl þess fyrri og sagði höstuglega “NEI, þú spyrð ekki neitt” og leit á mig í leiðinni...hehe.. Hann var að tala um setuna og greinlega hélt að hér færi kona sem ekki léti sér allt fyrir brjósti brenna, sumir stela nefnilega handklæðum og sápu af hótelum en þessi kona gerir gott betur..Hún stelur KLÓSETTSETUNNI... Setan

Við keyptum gjöf handa barninu úti og móðirin bað okkur vinsamlega að vera ekki að hugsa um svoleiðis í framtíðinni. Sumt fólk er svo vanþaklátt Sætur með gjöfina


Var búin að lofa að setja hér mynd af búðinni fyrri forvitna fólkið The Old Curiosity Shop

ahh Birna velkomin ;)) Sigga hefur bara ekki viljað að þú finndir þessa síðu, þess vegna hefur hún gefið þér ranga adressu hvað eftir annað.......